Бу 2009 сыл күһүнүгэр тэриллибит ситим-бөлөх. Соруга - саха тылын уонна Саха сирин аҕыйах ахсааннаах омуктарын тылларын аныгы технологияҕа ирэ-хото киллэрии. Көмпүүтэр эйгэтигэр, интэриниэккэ киэҥник туттуллалларын ситиһии. Тутаах хайысхалара: - бырагырааммалары тылбаастааһын (интерфейстарын локализациялааһын) - контент элбиирин ситиһии (ситим-сирдэри элбэтии, тупсарыы) - былааһы кытта алтыһыы (көмөлөһүү, сайдар хайысханы чопчулааһын) - IT тиэрминнэри хаҥатыы - өйдөтөр-сырдатар үлэ (хаһыаттар, сурунааллар, мунньахтар, фуорумнар) Бөлөх салайар анала суох. Бөлөх сүрүннүүр аналлаах (координация действий). Ол аата биир санаалаах, дьарыктаах дьон уонна тэрилтэлэр үлэлэрин хос оҥорботторун, бэйэ-бэйэлэригэр көмөлөсүһэллэрин ситиһии, түмүк уһугар тыллар сайдалларыгар ордук сатабыллаахтык түргэнник көмөлөһүү. Бөлөх үлэтигэр ханнык баҕарар киһи уонна тэрилтэ кыттар кыахтаах. Сүрүннээччилэр: Николай Павлов (Chuekke Sien), Альберт Габышев (суруналыыс, продюсер, телеоператор), Бэрт Дьикти (инженер-акустик), Александр Варламов (эбэҥки култууратын чинчийээччи, ситим-уус). Ситим-сир дьаһабыла: Михаил Кыраһа. |